Deko Rumah Panjai

Rindu amat enti meda rancangan Deko Bersama Eric ke dipancarka ba Astro. Macham-macham konsep hiasan dikena sida. Tetengok amat deka ngaduka rumah diri nunda baka ke diayanka orang ba TV. Tang baka ni ko enggau, semua perabot enggau perengka ke dikena ngias rumah nya sigi bisi orang sponsor @ menaja. Dini deh orang ka menaja kitai, enda pia? Ka pa enda, diri empu meh nyadi penaja diri hehe....

Tu meh gaya dekorasi hiasan dalaman ba rumah panjai. Simple...tang puas ga ati meda. Taja enda ngemanah engi sida Eric Leong, sekurang-kurang enda ga tak bereba.

Jalai Ulu Awik Tusah ka Madah

Dini bala pengari? Kini tunga bala menteri? YB?

Peda tauka dinga ke serbana penusah ati rayat. Anang semina maya deka bepilih baruh nyenguk rayat, udahnya lesap nadai dipeda ayuk.

Tu meh gambar Jalai Ulu Awik ke diambi aku maya pulai ke rumah panjai ujung minggu tu tadi. Ukai bejai sapa-sapa tang anang enda pedulika penusah sereta penyeranta mensia mayuh. Peda debu ke terebai ngalitka rampa jalai, tau ngujungka penusah bebadi ba jalai alun. Enda ibuh nganti udah bisi penusah baru begau. Seput nadai ulih ganti. Ni maya jalai tu deka ditar? Bisi kita pengari rayat berundingka penanggul bala anembiak redak kita maya ka betengah ke jalai ke bedebu tu?

Secebis Memori

Secebis kisah si cilik Esther sedang menunjukkan sikap rajinnya. Memori semasa mendiami flat guru SMK Pakan. Beranda penuh dengan pelbagai jenis bunga.

 Tolong mummy siram pokok bunga.

Alahai... comey nya aksi si cilik ni...

Buah

Mirah! Tentu manis buah tu. Buah nama tu kini? Jarang amat meda buah tu.

Tu meh buah ke dikumbai orang buah engkelili. Buah tu selalu ia ditanam semak rumah. Buah tu manis amat ti udah betul-betul mansau. Taja pia, buah engkelili nadai mayuh isi lalu diempa enggau kulit.

Kada enda ari buah tu menua Engkelili bulih nama. Enda ga kala nyemetak betanya enggau orang Engkelili, ari ni menua sida bulih nama.

Gambar ba atas tu ianya gambar buah ara tauka buah kayu ara. Pun buah tu ukai utai ditanam tang tumbuh kediri ba babas kelebih agi ba emperan tebing sungai. Buah tu mega manis asainya ti udah mansau [bechura oren mirah]. Maya agi besekula ba primary suba, suah bala kami begiga ka buah ara tu ke empa [sekula menua ulu ke jauh ari pasar] Dini nemu utai ke dikumbai orang roti gula, buah ara tu meh ke jadi roti gula kelimpah ari buah rutan, buah semambu enggau buah ubah.

Gambar Gawai 2012

Sekeda gambar maya pengerami gawai ba Rh. Matalie, Meruji Ulu, Saratok.

Esther, Juara Pekit Karaoke [11 Tahun ke baruh]

 Meri anak mit mandi

 Begambar ba mua ranyai.

Indai benung berandau enggau orang putih. Pama amat indai, speaking London.

Pekit ngiga roti gula dalam tepung.

Indu rumah panjai...baka model.

Pengerindu Maya Gawai

Rami amat gawai taun tu tadi. Bala pan sampal pulai ari nengeri. Macham-macham pengawa diatur baka nyarau ranyai, pekit kumang anak mit, pekit engkeratung, sepak takraw, nyumpit, nginti butul, karaoke, nikau ka straw, ngirup ai tuak, bini ngema laki, ngisi ai dalam butul enggauka bukai.

 Pekit bini ngema laki. Chapuhhhhh.....

 Pekit engkeratung. Sigi baka antu....

 Esther enggau Marya begambar enggau Grace, pemenang no. 2 Pekit Kumang kategori anembiak mit.

Pekit pondan. Akai dai.....

Selamat Pengantin Baru

Musim pemisi gawai tu tadi sigi mayuh orang ke besulu ngambi peluang ngatur pengerami melah pinang. Kami menyanak sempat pulai ke Bau, deka enggau orang rami melah pinang ipar aku [menyadi bini aku tang udah diiru orang bukai]. Rami sigi rami. Asaika ngintu pengerami di rumah panjai diri laban live band ke dikangau merindang sigi 80% mai lagu Iban. Teperindang ati ninga lagu ka disadaka ke kumpulan ? Aku pan enda ingat nama kumpulan nya hehe. Sekeda gambar maya mutung kek. Begambar sebedau nurun berami.