Foto: Marya
S-ta & Marya
Kami Sebilik
Apai kami ianya mr. Jamit Luyoh, BBS [Bentara Bintang Sarawak; 1987] datai ari menua Tembawai Kapok, Awik. Ia bebini ngambi indai kami ianya mdm. Giam Semira [asal ari Engkudu Baruh]. Apai kami tu udah nadai kandang tahun 2003 nyin suba. Taja ia udah midang, pengasih, penyiru enggau ajar ia sigi mengkang dikingat serta dipegai kami nyadi ke lalau pengidup nyentukka diatu.
Kami menyadi bisi enam iku lalu semua udah ngentapka ruang bilik diri empu.
1. Mancha Jamit + Margaret Voon; Cina-Iban ari Serudit, Betong
[anak: Richard Guroh & Sylvia]
2. Anne Empenai Jamit+ Gurang Tayang; Asal ari Teru, Betong
[anak: Roland Semira, Franklin Luyoh, Jordan Jelian, Alvin Noi & Melvin Chambai]
3. Biah Jamit + Sulie Umba; Asal ari Sungai Bangkong, Saratok
[anak; Deanna Dindat & Lucia Lulong]
4. Fred Sabungkok Jamit + Rose Ngelai; Asal ari Nyalak Ladong, Julau
[anak: Elizabeth Simai, Leslie Jicky & Dexter Jimbat]
5. Win Jamit + Ena Lim; Cina-Iban ari Lubok Nibong, Kabong
[anak: Grace Shantan & Adrian Linsam]
6. Geraman Jamit + Lanji Chen; Cina-Bidayuh ari Bau, Kuching
[anak: Amanja Esther Ampu & Amanja Marya Nigoh]
Pengingat Maya Besekula
1983-1988: SRK Ulu Kabo
1989-1993: SMK Saratok
1994-1995: SMK [BM] Saratok
1996-1999: Malaysian National University [UKM]
2000: Batu Lintang Trainning College [MPBL]
Peneleba Bekerja
1995: maya nganti pemutus peresa STPM
Kala gawa nyadi waiter ba Toh Yen Food Centre [Bintawa] sepengelama sebulan. Gaji maya nya baru RM210.00 aja. Tu meh keterubah enggau orang gawa di nengeri [endang bisi sakai mimit asai laban nadai peneleba]. Lelengau amatka bala ke sama gawa dia maya nya suba. Nadai kala agi betemu, nama pan nyau enda ingatka agi. Aku suah tuchum kediri maya ngenang pemanchal bala ‘ngiga komisen’ maya nya.
Udahnya nguji gawa nyadi cashier ba Smart Supermarket [King’s Centre] sepengelama dua bulan. Ransing ati maya nya nerima gaji RM310.00. Bulan kedua, gaji kena putung RM13.00 laban short [engka sala kira kini laban asaika nadai ga makai duit sekumbang jadi cashier bulan nya].
Enda tentu nyamai ati gawa dia laban selalu nangi takutka duit short. Agi ga maya nya, bala kaban bansa Cina benung kisuk bebelika barang dikena nyambut Tahun Baru China. Sampai dua tiga iti troli penuh barang dibeli sida. Bala salesgirl nadai ayan leka mata belalai di belakang rak barang labanka enggai nulung bala cashier mungkus barang customer. Maya nya mega bala Cina ke kaya, meli barang dua tiga puluh ringgit pan nyurungka duit note RM1000.00. Nyau getar-getar jari megai duit takutka salah tunsung tauka salah kira [nyema salah kira, tak abis meh gaji sebulan kena bebayar…mati kitai].
Badu jadi Cashier, aku nguji gawa ba Pusat Snooker ba King’s Centre mega. Gaji maya nya RM10.00 semalam [gawa ari pukul 6.00 lemai ngagai pukul 12.00 tengah malam]. Laban ke enda tan ensium asap insap [selalu ngelu pala], aku semina tan gawa dia 8 malam aja. Haha..terima gaji RM80.00 aja.
1999: Nyadi Guru Tuisyen
Udah bekau enda nyadi nyambung pelajar ngagai peringkat sarjana [Udah bulih tawaran tang ditolak laban deka gawa dulu, kenu. Sampai diatu pan bedau, jera asai], dia aku bulih gawa jadi cikgu ba Pusat Tuisyen Ilmiah. Maya nya, bisi 5 iku kami gawa dia nyengkaum pengetua PTI nya empu [siku ari bala ke sama enggau aku gawa dia mega sama bulih masuk belatih nyadi pengajar ba MPBL 2000].
Pengawa aku maya nya tau dikira lempung laban aku semina diasuh nyediaka pekakas dikena ngajar [bup / bup latih / print lembaran latihan lalu nusun sukatan pelajaran ba PTI nya]. Nambahka nya, aku mega bisi masuk kelas lalu ngajar karang Bahasa Malaysia. Gaji maya nya RM450.00 sebulan. Ransing ga ati laban enda kala nerima gaji ngemesai nya. Taja pia, aku semina gawa dia sebulan aja. Terus terang, aku enda tan ngajar anembiak nengeri. Ati aku enda ‘secocok’ enggau chara tauka ulah anembiak nengeri [minta ampun, ukai bejai sida. Nyangka laban aku tu datai ari menua ulu, nya alai chara runding aku enda sebaka enggau sida.
Nya meh pengingat aku keterubah enggau orang gawa ba nengeri menya. Taja ukai pengawa berat, ukai pengawai besai tang peneleba sereta pengingat maya nya suba sigi dikenang nyentukka diatu.
2001: Belabuh ngajar.
Sekula endur posting maya nya, ianya SMK Pakan. Taja ukai sekula ke jauh, tang nya meh keterubah aku datai ngindikka kaki ba menua ke dikumbai orang Pakan [Sarikei]. Aku ngerejista diri kena 02.01.2001. Pengetua maya nya, Mr. Davy Nyelambau anak Ugap [niang]. Terima kasih ka pemanah sambut enggau basa bala staf SMK Pakan maya nya.
Taja gaga ke diri udah likun datai di menua orang, tang siti penanggul besai maya nya ianya nadai rumah endur diau. Semua rumah staf udah bisi orang nguan. Aku nadai nemu daya laban ke nadai orang dikelala maya nya. Seninjik amat laki ipar menyadi aku ke bebini jadi enggau orang Nyalak Ladong, Pakan bisi nyadi guru sandaran dia. Ba rumah sida ia meh aku ngenduh ke diri sepengelama dua bulan. Meri besai ngagai sida Thomas enggau Bala ia Irene Sangan ke udah manah endar enggau aku sekumbang aku diau enggau sida ia sebilik. Terima kasih mega ngagai sida aya [Aki Simai] sebilik di Nyalak Ladong.
S-ta & Marya
Kami Sebilik
Apai kami ianya mr. Jamit Luyoh, BBS [Bentara Bintang Sarawak; 1987] datai ari menua Tembawai Kapok, Awik. Ia bebini ngambi indai kami ianya mdm. Giam Semira [asal ari Engkudu Baruh]. Apai kami tu udah nadai kandang tahun 2003 nyin suba. Taja ia udah midang, pengasih, penyiru enggau ajar ia sigi mengkang dikingat serta dipegai kami nyadi ke lalau pengidup nyentukka diatu.
Kami menyadi bisi enam iku lalu semua udah ngentapka ruang bilik diri empu.
1. Mancha Jamit + Margaret Voon; Cina-Iban ari Serudit, Betong
[anak: Richard Guroh & Sylvia]
2. Anne Empenai Jamit+ Gurang Tayang; Asal ari Teru, Betong
[anak: Roland Semira, Franklin Luyoh, Jordan Jelian, Alvin Noi & Melvin Chambai]
3. Biah Jamit + Sulie Umba; Asal ari Sungai Bangkong, Saratok
[anak; Deanna Dindat & Lucia Lulong]
4. Fred Sabungkok Jamit + Rose Ngelai; Asal ari Nyalak Ladong, Julau
[anak: Elizabeth Simai, Leslie Jicky & Dexter Jimbat]
5. Win Jamit + Ena Lim; Cina-Iban ari Lubok Nibong, Kabong
[anak: Grace Shantan & Adrian Linsam]
6. Geraman Jamit + Lanji Chen; Cina-Bidayuh ari Bau, Kuching
[anak: Amanja Esther Ampu & Amanja Marya Nigoh]
Pengingat Maya Besekula
1983-1988: SRK Ulu Kabo
1989-1993: SMK Saratok
1994-1995: SMK [BM] Saratok
1996-1999: Malaysian National University [UKM]
2000: Batu Lintang Trainning College [MPBL]
Peneleba Bekerja
1995: maya nganti pemutus peresa STPM
Kala gawa nyadi waiter ba Toh Yen Food Centre [Bintawa] sepengelama sebulan. Gaji maya nya baru RM210.00 aja. Tu meh keterubah enggau orang gawa di nengeri [endang bisi sakai mimit asai laban nadai peneleba]. Lelengau amatka bala ke sama gawa dia maya nya suba. Nadai kala agi betemu, nama pan nyau enda ingatka agi. Aku suah tuchum kediri maya ngenang pemanchal bala ‘ngiga komisen’ maya nya.
Udahnya nguji gawa nyadi cashier ba Smart Supermarket [King’s Centre] sepengelama dua bulan. Ransing ati maya nya nerima gaji RM310.00. Bulan kedua, gaji kena putung RM13.00 laban short [engka sala kira kini laban asaika nadai ga makai duit sekumbang jadi cashier bulan nya].
Enda tentu nyamai ati gawa dia laban selalu nangi takutka duit short. Agi ga maya nya, bala kaban bansa Cina benung kisuk bebelika barang dikena nyambut Tahun Baru China. Sampai dua tiga iti troli penuh barang dibeli sida. Bala salesgirl nadai ayan leka mata belalai di belakang rak barang labanka enggai nulung bala cashier mungkus barang customer. Maya nya mega bala Cina ke kaya, meli barang dua tiga puluh ringgit pan nyurungka duit note RM1000.00. Nyau getar-getar jari megai duit takutka salah tunsung tauka salah kira [nyema salah kira, tak abis meh gaji sebulan kena bebayar…mati kitai].
Badu jadi Cashier, aku nguji gawa ba Pusat Snooker ba King’s Centre mega. Gaji maya nya RM10.00 semalam [gawa ari pukul 6.00 lemai ngagai pukul 12.00 tengah malam]. Laban ke enda tan ensium asap insap [selalu ngelu pala], aku semina tan gawa dia 8 malam aja. Haha..terima gaji RM80.00 aja.
1999: Nyadi Guru Tuisyen
Udah bekau enda nyadi nyambung pelajar ngagai peringkat sarjana [Udah bulih tawaran tang ditolak laban deka gawa dulu, kenu. Sampai diatu pan bedau, jera asai], dia aku bulih gawa jadi cikgu ba Pusat Tuisyen Ilmiah. Maya nya, bisi 5 iku kami gawa dia nyengkaum pengetua PTI nya empu [siku ari bala ke sama enggau aku gawa dia mega sama bulih masuk belatih nyadi pengajar ba MPBL 2000].
Pengawa aku maya nya tau dikira lempung laban aku semina diasuh nyediaka pekakas dikena ngajar [bup / bup latih / print lembaran latihan lalu nusun sukatan pelajaran ba PTI nya]. Nambahka nya, aku mega bisi masuk kelas lalu ngajar karang Bahasa Malaysia. Gaji maya nya RM450.00 sebulan. Ransing ga ati laban enda kala nerima gaji ngemesai nya. Taja pia, aku semina gawa dia sebulan aja. Terus terang, aku enda tan ngajar anembiak nengeri. Ati aku enda ‘secocok’ enggau chara tauka ulah anembiak nengeri [minta ampun, ukai bejai sida. Nyangka laban aku tu datai ari menua ulu, nya alai chara runding aku enda sebaka enggau sida.
Nya meh pengingat aku keterubah enggau orang gawa ba nengeri menya. Taja ukai pengawa berat, ukai pengawai besai tang peneleba sereta pengingat maya nya suba sigi dikenang nyentukka diatu.
2001: Belabuh ngajar.
Sekula endur posting maya nya, ianya SMK Pakan. Taja ukai sekula ke jauh, tang nya meh keterubah aku datai ngindikka kaki ba menua ke dikumbai orang Pakan [Sarikei]. Aku ngerejista diri kena 02.01.2001. Pengetua maya nya, Mr. Davy Nyelambau anak Ugap [niang]. Terima kasih ka pemanah sambut enggau basa bala staf SMK Pakan maya nya.
Taja gaga ke diri udah likun datai di menua orang, tang siti penanggul besai maya nya ianya nadai rumah endur diau. Semua rumah staf udah bisi orang nguan. Aku nadai nemu daya laban ke nadai orang dikelala maya nya. Seninjik amat laki ipar menyadi aku ke bebini jadi enggau orang Nyalak Ladong, Pakan bisi nyadi guru sandaran dia. Ba rumah sida ia meh aku ngenduh ke diri sepengelama dua bulan. Meri besai ngagai sida Thomas enggau Bala ia Irene Sangan ke udah manah endar enggau aku sekumbang aku diau enggau sida ia sebilik. Terima kasih mega ngagai sida aya [Aki Simai] sebilik di Nyalak Ladong.
Nice article.. I am the 2nd son of Mr Davy Nyelambau.. Bng ngaga biography for my dad alu tepeda ke article tok..
ReplyDelete