Foto: Randau ruai
Foto: Pengerami Melah Pinang di Meruji Ulu [2005]
Rumah panjai kami dikangau orang Meruji Ulu. Kebuah pia, laban rumah kami tu didirika ari ulu rumah asal kami [Meruji], udah bekau rumah lama kami tu suba pechah. Rumah kami ke panjai 23 pintu tu dientakka enda jauh ari tebing Sungai Meruji [Sungai meruji tu bepati ba Sungai Kabo lalu Sungai Kabo tu benanga ba Sungai Krian].
Pemayuh mensia ken guan rumah panjai kami tu bisi kira-kira 200 iku [sekeda ari bala ke kerja di nengeri nyau diau mendam meli rumah sebelah nengeri]. Ketebal agi, bala kami serumah agi ngemeranka pengawa betanam betupi baka nupi manuk enggau babi. Sekeda nya bekebun lada lalu bisi dua tiga pintu nya udah ngemeranika diri enggau orang bekebun sawit. Nyerumba getah ke bangat berega jam ke diatu, nyau ka sampal bala ke bisi kebun getah, nangkal. Lalu sekeda ke nadai kebun getah, nyau kenanas mega nangkal kebun orang [pajak].
Agi dalam kandang tahun 1970-an, sigi nadai jalai semak ditengah kami serumah enti deka ke pasar [Saratok]. Bala maya nya enda ulih enda bedarat nengah Ulu Awik sepengalama empat ngagai lima jam lalu rembus di menua Brayang. Dia baru bisi bas dikena ke pasar. Sinu ninga orang tuai becherita, enti deka ke pasar, pukul1.00 pagi udah mupuk betenggau. Berang ruyun ngema getah. Pulai lagi berat agi bema ke barang ke dibeli baka beras, minyak masak, garam, gula enggau barang bukai.
Nitihka cherita sida apai, enti ai manah, sida ia merau ngagai menua Kaki Wong. Kadang enti ai udah surut, suah sida ia bemalam di rantau jalai [sebelah kerangan] laban hari nyau suntuk. Suah mega sida bebatak enti ai nyau langkang.
Dalam tahun 1980-an, bala kami serumah nyau bedarat ngagai Praja enti deka ke pasar [pejalai dua ke tiga jam ari Meruji]. Nitihka singkang pemansang, jalai raya ke digaga perintah makin ngerekai. Urung tahun 1990-an, jalai ke ditengah kami bedarat enti deka ke pasar berubah-ubah. Kami kala bedarat nengah menua Sungai Bangkong enggau Gerenis [pejalai sejam lebih] di Kabo. Udahnya kami nyau ngalih bedarat nengah menua ulu Awik nitihka adap jalai raya ke majak semak.
Diatu, untung amat bala anembiak ke ada ba zaman millennium. Jalai raya nyau datai ba pala tangga. Kereta pan nyau mayuh. Sida nadai ampit ngasaika pemerinsa sereta penyeranta maya bedarat. Meda pasar pan jarang. Manah enti nyema ulih ke pasar dua tiga kali setahun. Banding enggau diatu, dua kali sehari pan ulih meh ke pasar.
Siti penanggul ti agi ngintai pengidup kami serumah ianya kurang pemujur ba dalam pengawa besekula. Penyampau sida ke belajar sampai form 6, kolej enggau universiti ulih tiap enggau jari. Penanggul tu meh ke balat nyerekang pengidup kami serumah. Nya alai, aku enggau bala ke udah mujur mimit sigi naka ulih meri jaku ajar, lalau enggau chunto ngagai bala apai indai sereta nembiak redak kami serumah [ukai deka ngemegah diri]. Juluk ati sigi deka meda mayuh agi bala anembiak kami serumah mujur dalam pelajar, nyadi orang beguna ngambika ulih nyungkak ke pengidup diri sebilik enggau rumah panjai.
Nama Tuai Bilik
1 Aji anak Tutong
2 Nyambar anak Ugu
3 Inyang anak Inggol
4 Undi anak Gendang
5 Isa anak Inyang
6 Seliman anak
7 Jelani anak Ringkai
8 Ngadan anak Luyoh
9 Win anak Jamit
10 Ambu anak Entebang
11 Intol anak Merupi
12 Ludai anak
13 Pawi anak Manja
14 Ngelingkung anak Lua
15 Ugu anak Jampang
16 Sabo anak Jampang
17 Matali anak Entebang [TR]
18 Juing anak Laja
19 Lidom anak Lua
20 Sudau anak
21 Cassidy anak Matali
22 Galau anak Lua
23 Daboi anak Lua
24 Angga anak Lua
Rumah panjai kami dikangau orang Meruji Ulu. Kebuah pia, laban rumah kami tu didirika ari ulu rumah asal kami [Meruji], udah bekau rumah lama kami tu suba pechah. Rumah kami ke panjai 23 pintu tu dientakka enda jauh ari tebing Sungai Meruji [Sungai meruji tu bepati ba Sungai Kabo lalu Sungai Kabo tu benanga ba Sungai Krian].
Pemayuh mensia ken guan rumah panjai kami tu bisi kira-kira 200 iku [sekeda ari bala ke kerja di nengeri nyau diau mendam meli rumah sebelah nengeri]. Ketebal agi, bala kami serumah agi ngemeranka pengawa betanam betupi baka nupi manuk enggau babi. Sekeda nya bekebun lada lalu bisi dua tiga pintu nya udah ngemeranika diri enggau orang bekebun sawit. Nyerumba getah ke bangat berega jam ke diatu, nyau ka sampal bala ke bisi kebun getah, nangkal. Lalu sekeda ke nadai kebun getah, nyau kenanas mega nangkal kebun orang [pajak].
Agi dalam kandang tahun 1970-an, sigi nadai jalai semak ditengah kami serumah enti deka ke pasar [Saratok]. Bala maya nya enda ulih enda bedarat nengah Ulu Awik sepengalama empat ngagai lima jam lalu rembus di menua Brayang. Dia baru bisi bas dikena ke pasar. Sinu ninga orang tuai becherita, enti deka ke pasar, pukul1.00 pagi udah mupuk betenggau. Berang ruyun ngema getah. Pulai lagi berat agi bema ke barang ke dibeli baka beras, minyak masak, garam, gula enggau barang bukai.
Nitihka cherita sida apai, enti ai manah, sida ia merau ngagai menua Kaki Wong. Kadang enti ai udah surut, suah sida ia bemalam di rantau jalai [sebelah kerangan] laban hari nyau suntuk. Suah mega sida bebatak enti ai nyau langkang.
Dalam tahun 1980-an, bala kami serumah nyau bedarat ngagai Praja enti deka ke pasar [pejalai dua ke tiga jam ari Meruji]. Nitihka singkang pemansang, jalai raya ke digaga perintah makin ngerekai. Urung tahun 1990-an, jalai ke ditengah kami bedarat enti deka ke pasar berubah-ubah. Kami kala bedarat nengah menua Sungai Bangkong enggau Gerenis [pejalai sejam lebih] di Kabo. Udahnya kami nyau ngalih bedarat nengah menua ulu Awik nitihka adap jalai raya ke majak semak.
Diatu, untung amat bala anembiak ke ada ba zaman millennium. Jalai raya nyau datai ba pala tangga. Kereta pan nyau mayuh. Sida nadai ampit ngasaika pemerinsa sereta penyeranta maya bedarat. Meda pasar pan jarang. Manah enti nyema ulih ke pasar dua tiga kali setahun. Banding enggau diatu, dua kali sehari pan ulih meh ke pasar.
Siti penanggul ti agi ngintai pengidup kami serumah ianya kurang pemujur ba dalam pengawa besekula. Penyampau sida ke belajar sampai form 6, kolej enggau universiti ulih tiap enggau jari. Penanggul tu meh ke balat nyerekang pengidup kami serumah. Nya alai, aku enggau bala ke udah mujur mimit sigi naka ulih meri jaku ajar, lalau enggau chunto ngagai bala apai indai sereta nembiak redak kami serumah [ukai deka ngemegah diri]. Juluk ati sigi deka meda mayuh agi bala anembiak kami serumah mujur dalam pelajar, nyadi orang beguna ngambika ulih nyungkak ke pengidup diri sebilik enggau rumah panjai.
Nama Tuai Bilik
1 Aji anak Tutong
2 Nyambar anak Ugu
3 Inyang anak Inggol
4 Undi anak Gendang
5 Isa anak Inyang
6 Seliman anak
7 Jelani anak Ringkai
8 Ngadan anak Luyoh
9 Win anak Jamit
10 Ambu anak Entebang
11 Intol anak Merupi
12 Ludai anak
13 Pawi anak Manja
14 Ngelingkung anak Lua
15 Ugu anak Jampang
16 Sabo anak Jampang
17 Matali anak Entebang [TR]
18 Juing anak Laja
19 Lidom anak Lua
20 Sudau anak
21 Cassidy anak Matali
22 Galau anak Lua
23 Daboi anak Lua
24 Angga anak Lua
No comments:
Post a Comment